konsuylo sa terorista

Makubalan na lang ang kalimutaw sa hidden camera
Sa paghimantay kinsay nagdala sa sorpresa
Pero wa na niya kinahanglana ang bomba
Kay kahibawo siya nga kanang bildinga hinimo ra
Sa pinong balas sa baybayon
Nga nagtakuban kunohay sa kalig-on.
Ayawg ikasagmuyo ang kamatuoran:
Nga ang nanagpuyo sab nianang bildinga
Hinimo ra sa garbo nga kon buot natong sutaon,
Mao ra usay makapaulbo sa maong tigbayon.


-- OMAR KHALID
Medellin, Cebu, Philippines