kaliring

Ug kalit gapatunga sa karsada ang baka.
Dayon ang kabayo. Dayon ang usa.
Dayon ang duha. Dayon ang tulo.
Upat ka lima. Lima ka unom. Unom ka pito.
Pito sa pulis. Batuta sa pulis. Pusil sa pulis.
Pulis napusilan. Papusil. Pusila. Bang!
Bangga! Nagbinanggaanay sa lubot.
Sampot sa sampotanan. Gakibot-kibot.
Kibol og hunahuna. Pinakigol. Pinakalit.
Ug kalit gapatunga sa karsada ang baka.


-- ADONIS G. DURADO
Monte-carlo, Monaco