jet lag

nunot sa 22 ka oras nga pagkiyugpos

pagtikungkong pagminanok sandigtulog
tanggong sa aserong halwa
hala mag-iring-iring na kita sa haruhayng kama
apan pastilan unsaon ang buntag giminong hapon
ang adlaw nagtakobang gabii
nagkabaylo ang siklo ug ritmo
sa sawumsom ug banagbanag
nabali ang telon ug tabil sa kangitngit ug kahayag
poreso samtang ikaw nagtuwad gatutalimbang
mobalintong magpiyong na lang ako kanimo

-- MELQUIADITO M. ALLEGO
 Palm Harbor, Florida, US