padulong

Nagtagak nga sanga.

Mga marka sa tunob

nag-agni nako pagsunod

sa ganghaan, ug misulod ko

hangtod nalamat og nalisang,

nagkamang pagbalik

og pangita sa dalan.

“Ayaw kahadlok,”

hunghong pa sa hangin.

“kay dili na ka masaag.”

Nahanaw ang mga tunob,

Ug nahabilin ko. Nag-inusara.

Wala’y nakaila

asa ang dalan. Diin ko

nasipyat og liko?

Kakusog sa hangin kuyog

sa gabawod nga abog, molumos

sa naghaguros nga dughan.

-- RYAN LABARDA

Riyadh, Saudi Arabia