season creep*

Gilayog nimo ang bag-ong nalunhaw nga sanga

atol sa kalit nga pagtumaw sa tingpamulak. Basin

sa tumang kagutom buot nimo tukbon ang adlaw.

Pasagdi ang akong pagtutok sa imong himbis kay

sama nimo gipaabot pod nako ang mga langgam.

Ayaw ko hangyoa nga mobiya. Dili ko mahadlok,

sama sa dahon, dihang gadiwalwal imong dila.

* hinay-hinay nga pag-usab sa gitas-on sa panahon nga

gituohang gumikan sa gitawag nga "climate change.”                                                                        
-- DENNIS S. SARMIENTO

Maryland, USA