taghoy sa siloy

matag banagbanag

mamukaw manugdon magsalag

nanganaykanay mong awit

nanamilit nangaliya sa kangitngit

miabi-abi sa migitib nga kahayag

wa ka mabati ni John Keats

o Shakespeare imong gitagana

kanamo ang imong kaidlas

kanindot katam-is katahom

bukidnong taghoy ul-ogi

ang pagaw kiwaw namong tingog

matagbaw ang kamingaw kahidlaw

ikay tubag kahayag sa saag

laag namo nga kalag

-- RODELIO BARELLANO

Caloocan City, Philippines