sa akong pag-abli sa pultahan

Nabuklas ang kangiob.

Ang inyong mga mata mao ra'g dan-ag

sa bulan, nagdayag sa akong pagtim-aw.

Gidali-dali ninyo'g hipos

ang suliyaw sa mga agulo,

giinat ang kunot sa habol,

gipaundo ang lupyak sa unlan

ug gibistihan ang hukas nga higayon.

Sa kahilom,

sa akong pagpirok,

ang lawak nahimong lubnganan

sa tubig nga gibadbad sa akong pagtutok.

-- JESSREL E. GILBUENA

Bantayan, Cebu, Philippines