omni

Bisan asa ang mga sanga. Dili masaag

ang mga langgam. Labaw pa sa tabanog kining

kasingkasing bisan pa man kon ang kauhaw

sa akong inahan tugbang sa tago-angkan

sa taligsik atol sa ting-init. Gapanilap ko

duyog sa mga tiki nga dili maihalas kon unsa’y

isugilon sa mga kwaknit samtang gabitay.

Subayon sa tirador ang kanunay kong giampo:

Kanang mga tunok nga gahuwat sa mga tunob.

Kining mga katol nga gatultol sa mga tudlo.

-- MICHAEL U. OBENIETA

Topeka, Kansas, USA