maalimungawan ang lagingling sa gaestokadang
huyohoy nga nagpakli-pakli sa mga tipayng panid sa tamboanan
niadtong tinalikdang balangay pipila na ka dekada kanhi
ug kita nanglupad nagbagdoy-bagdoy nahadiin-diin nahasiril-siril
latagaw sa barumbadong kapalaran mapanimpalarong kalibotan
karong bakanteng kagabhion sa bintana ning mansiyon
nabatian kong tingog mo nagpingkipingki sa gaduhawit kong
kasingkasing salirawang kahamilsing dugamisnong handurawan:
unsa na kaha ka karon?
-- MELQUIADITO M. ALLEGO
Palm Harbor, Florida, USA
No comments:
Post a Comment