etheree: mananahi sa rally

Kon

inyong

matigom

ang hinuyop

nga tanod-hangin,

sul-obon pod namo

ang gibiste sa wanang.

Matangkas ba ang kasakit 

gikan naburda ang kawad-on?

Kon makatahi mo’g tanod-hangin.

Kon ang pagtahi og tanod-hangin

makat-onan ninyo’g mabansay,

tudloan ba ninyo kaming

modispuga’g pahiyom

sa samad-paglaom?

Yano ra kamo

nga motangkas 

sa mga saad.

Ay, igo 

na!

-- DESIREE L. BALOTA
Talisay City, Cebu, Philippines