kagubot

ang mga nangahulog nga

dahon nagpasad sa nataran 

sa karaang balay

tungod sa kagubot (nga gikaulaw, 

dili masulti) giabogan na 

ang mga lingkoranan 

sa talad kan-anan

sa likod atoa pa gihapon

ang punoan sa mangga 

ug ibabaw sa iyang mga gamot 

anaa ang mga pulak

gipamunit kini

sa una sa kaadlawon nga wala'y 

buot ang kalipay 

-- RIC S. BASTASA

Katipunan, Zamboanga del Norte, Philippines