Misulod ang kagirong lalaki nga ga-panty ug ga-bra sa gubaon
Nga opisina ni Kevin Lagunda. Gakupot sad ang lalaki og lapis
Samtang sige'g pangawot sa iyang sinaw nga opaw diin nalingaw
Og padailos-dailos ang langaw. Mingisi siya,
Nangidhat dayon nangutana kang Kevin Lagunda:
“Unsay ikasulti nimo sa imong kinabuhi karon?”
Mitubag si Kevin og pangutana: “Unsa may katungod nimo, ha,
Sa pagsukit-sukit nako?” Mitubag ang lalaki: “Reporter ko.
Ako ning trabaho.” Gibanghagan siya ni Kevin: “Kon di ko motubag,
Magutman ka? Ug unsa man say ikasulti nako sa pesteng kinabuhi, gago?
Ang kinabuhi mismo amang-- wa'y ikayawyaw bahin nako.”
Mandaue City, Cebu, Philippines
No comments:
Post a Comment