nawili

Inig abot sa kilumkilom, tagsa-

tagsang manglupad-sakdap pagbalik

sa ilang mga batoganan

ang kalanggaman,

ug maghinam-hinam 

ang mga sulom gikan sa budlay 

nga panikaysikay tibuok adlaw

balik sa ilang balayan,

ug wa’y supak bisan ang mga buwak 

sa calachuchi lakip ang kadahonan 

sa kamagong nga mokuyog-duyog 

sa galaylay nga hangin.

Apan ikaw nga nanginhas daplin 

sa baybayon, wala nimo ikalipay 

ang pagtalikod sa adlaw nga gapadulom 

sa imong gikumkom.  

-- JONDY M. ARPILLEDA

Kapalong, Davao del Norte, Philippines