Napuno ang atong lawak sa mga tingog
apan basin ako ra'y nakadungog. Sa kangitngit
nagpabiling lanog ang mga pangutana
nga gahuwat sa akong tubag: Ngano
nga ang uban kinahanglan pang mobiya
sa naandan, molayag sa laing panubigan, ug ngano
nga andam pod kong magpakabungol
sa ubang kasikas gawas sa tagubtob sulod
sa dughan. Apan kon ang akong dunggan duslitan
pagbalik sa imong gininhawa, ug imo akong
sangpiton, wala na ko'y lain pang pamation.
-- MA. CARMIE FLOR ORTEGO
Talalora, Samar, Philippines
No comments:
Post a Comment