liwas

Gidapit sa hangin

Ang mga handuraw

Nga gipadpad sa panahon.

Sila ra’y ming-unong

Sa akong pag-inusara. Sila

Ug ang kama ang misapwang

Sa akong paghinuklog. Wala’y

Makapugong— bisan usa ka

Hinigugma— sa akong panaw

Ngadto sa paglutaw, sa kagaan

Nga gigaid sa yuta. Ingon niini

Ang salin sa imong hulagway

Ug tingog. Wala’y katagbawan

Sa dughan sama sa pagtamak

Ngadto sa wanang.

-- ADONIS R. ENRICUSO                                                                                                   Dumingag, Zamboanga del Sur, Philippines