nabaldang pagpasiyo sa baybayon

Ingon ini na ba 

kabangis ang balod inig hapak  

sa hilom nga baybayon, 

matilawan na lang nato

ang kaparat sa iyahang mga pinisik—

dili maabi-abihon? Ngulngol

paminawon iyang mga panawag: wala, 

wala… Daan na bayang banha

ang alimpatakan. Ug bagal sab 

ang balas ning lapalapa, gadugang

sa gibug-aton sa tunob
palayo kanimo.

-- R.L. BERTULFO

Talisay City, Cebu, Philippines