“Name me one person that was arrested because of political or religious belief during that period. None… Name me one person that was arrested because he criticized President Marcos. None.” -- Juan Ponce Enrile, kanhi defense minister ni Marcos ug giilang “architect and implementor of Martial Law” (Rappler, 21 September 2018)
Wala. Dili pod baya makita
ang tango sa kangitngit, ang kuko
sa katugnaw, ug ang ikog sa kahinanok.
Ay, ayaw tugawa ang latagaw nga kaka
ilawom sa iyang gilawalawa nga buhok!
Patugsawa sa dag-om iyang mga lakang
layat sa kagutom sa sawa— galuklok,
gilunopan diha sa imburnal nga angkla
sa ihawan. Gakampat ang pula sa lapok,
galakra sa iyang lapalapa lakip iyang dila.
Gawitik-wisik ang bagnos sa iyang halok
ug tug-ab. Pasagdi lang. Dili baya
ilad ang gisangyaw sa mga tuktogaok
ilad ang gisangyaw sa mga tuktogaok
bisan ang buwan usahay wala.
-- MICHAEL U. OBENIETA
Topeka, Kansas, USA
No comments:
Post a Comment