pamilya

Tay, nakabantay ka? Ang atong 

mga adlaw mora’g pulos 

gabii na. Hilom, dili sama 

sa atong mga silingan. Sa ilang 

Gracia, pirmi manglupad 

ilang mga katawa, usahay 

motugpa pa gani sa bintana 

sa akong kwarto. Si Nanay 

kon wala magluto sa umaabot 

nga paniudto, pirmi lang 

manahi og mga punda. Tay, 

nakabantay ka? Ganina, 

naghisgot baya si Nanay. Ugma 

molakaw daw siya. Ang nahabiling 

bituon, iya nang bitbiton. 

-- DELORA SALES-SIMBAJON 

Butuan City, Agusan del Norte, Philippines