(para kan B)
Kon dili kaw maako
Mopuya pa ba kaha an bombels sa musitera?
Kay sigurado ako an langit magdugyom ra
An kapaso nan suga
Kangitngit nan duyom
Sa damgo ra kan motunga.
Kon an hangin makalimot paghayok sa lupa
Makalimot ba sab kaha an kasing-kasing na nagpuasa?
Dili ko makab-ot an imo alima
Kuman na an mga buyak nag-alingasa sa sanga.
Hain na an imo mga abaga?
Waya na’y kabatugan an mga langgam nan ako pag-inusara.
Kon dili kaw maako
Maghinay-hinay ba kaha pagkawaya an kayajo
Sa ako dubdob, an dayugdog kon dili kaw igkita.
O magpadajun an pagkuros-kuros nan subasko
Samtang nanago an mga kabakaba
Sa biyangaw nan kamingaw.
Kon sa kadugay nan pagtujok nan panahon
Sa kadugayon nan waya’y pagkitaay nan buntag sanan duyom.
Kon makahuna-huna kaw bisan są anino nań ako kayag
Hayok sa kawanangan, hakpa an kahanginan
Kay pasingod na ako.
Sugaton ta kaw daya an isa ka karton na paraiso.
-- AVA MARIE A. VILLAREAL
Surigao City, Surigao del Norte, Philippines
No comments:
Post a Comment