kanindot untang ikaligo’g dagat

lapas na sa lawod ang naabot nako 

apan layoa sa dagat dinhi dili sama 

niadtong batang bulingit pa ko didto 

sa lapyahan sa San Remigio 

diin nanguhit sa akong tiil 

ang bawod ug hapit na lang mangatkat 

ang mga kinhason sa among abuhan 

ug dinhi dili na ko makalangoy bisag 

gapanikad ko kay kutob na lang 

intawon ko sa paghulat aron mosugat 

sa taob sa ting-init lapaw sa haw-ang 

nga bukag sa akong panimuot 

-- JONALYN ALMACIN-GOURDON 

Nantes, France