bisan pa’g mohilak ka’g dugo

Gibali-bali'g sagpa ang iyang kadungganan
Og naglisod siyag unsaon pagbangon niini
Samtang sa susamang panahon
Naglisod sad ang iyang kapikas sa Pilipinas
Sa pagpili kon unsa ang iyang ipakaon sa iyang mga anak
Jollibee o McDo?

Giyatakyatakan ang iyang katungod
Og naglisod siyag pugong sa iyang kapungot alang sa pagpanimalos
Sama sa kalisod sa iyang anak ilawom sa kapintas
Sa pagpili sa brand sa paliton nga selpon
Nokia o Sony Ericsson?

Dili makwestiyon ang sakripisyo sa usa ka OFW alang sa iyang pamilya
Sama sa sakripisyo sa iyang pamilya alang kaniya.


-- LEO BOB FLORES
Bukit Batok, Singapore