Dihay nagliundok nga tai duol sa usa ka goalpost sa soccer field. Way lain, iya gyod ning Steffi, ang German shepherd ni Father Fritz. Medyo uga-uga na. Ako ning gikulitog ginamit ang sinaw nga baton ni Father kay nangita lagi kog katin-awan kabahin sa salang panulondon ug sa pagpikas sa Red Sea ug sa birhen nga nanganak ug uban pang doktrinang kuoton. Unya si Father, nga medyo layo ra man unta ug nagpahuway pa gyod kay bag-o lang naniudto, mikalit lag butho. Nakatimaho kuno siyag nangalisbo. Giduol ko niya unya sa way soseremonyas gidalitag kog pinahilunang patid sa lubot. Nagbagutbot siya kay ngano kunong akong gihilabtan ang nagpakahilom ug nagmalinawon.
-- VICENTE VIVENCIO BANDILLO
Dubai, United Arab Emirates
No comments:
Post a Comment