bilbord

Si Mandy Moore ka, no?
Pastilan, nganong naa man tawon ka dinha
Unsa kahay imong sala?
Kanus-a lang ang guwapang wakwak sa Naga
Nasangit sa langit sa EDSA?

Wa baya ko madani sa gipromot mong
Penshoppe.
Kay unsa man poy akong ikaabot?
Kining diyes sentabos sa akong kunot?

Nahinumdom man lang god ko
Adtong pocket size nga letrato
Nga akong gipa-blow-up
Unya gipakuwadro.
Pagka layo ra nimo adto
Wa siya kaagi kang Dr. Belo
Superwheel iyang siyampo
Iyang kilay sad di bawod,
Wa gani to kailag Hollywood
Perog ikaw na lang pod
Porbidag ako ba tong ibaylo.

Ayaw na lang kog ilara anang imong
Tinambid. Wa gyod tawon ko madani anang
Posing mong pinahiwid
Siyempre, taliwtiw imong ilong.
Unsaon, gilubngag bolitas sa Hapon
Natural, pakita pod kas imong pahiyom
Kay gibayran ka nga himoon lang
Dekorasyon.


-- OMAR KHALID
Medellin, Cebu, Philippines