paghangad sa udtong tutok samtang nag-eklipse ang adlaw

pilay pa’d, matimbang ra nako
ang gibug-aton sa imong
kasingkasing, samtang nakiglamano
ko sa bakunawa nga hilig
manglili kaniadto sa imong kuwarto.

pilay pa’d, kon matultolan nako
ang samad sa kilid ni kristo
ug tawgan sa telepono si pilato
ug pangayoon nakos
kinawat niyang sensilyo.

pilay pa’d kon inigpasihag sa akong laway
sa itlog sa tapaytapay
makita nako ang hinayhay ni nanay
nga gidulaan kaniato sa naglantong
nga ayaay.


-- OMAR KHALID
Medellin, Cebu, Philippines