(Kon mag-ulan, maghulat man
ako kanimo sa estasyonan...)
Maminaw ako sa tingog mo
sa hinagawhaw sa ulan
pakasamahon ko man
nga ang katugnaw sa talisik
nga mohunob sa kasingkasing ko
mao ang katigmi sa imong aping
sa ulahi tang panagkita.
Mamati ako sa imong panghupaw
ug tugkaron ko ang kahulogan
sa kahilom sa imong tinan-awan
nga gibilin mo kanako
paglarga sa sakyanan---
nag-ulan usab kadto, dili ba?
(Kon mag-ulan, mobalik da ako,
Melquiadito. Intawon handoma...)
Karon umuulan:
ania na usab ako ning estasyonan
nagdala sa payong sa atong gugma---
pipila na ba ka ulan
mibuhagay sa akong mga mata???
ako kanimo sa estasyonan...)
Maminaw ako sa tingog mo
sa hinagawhaw sa ulan
pakasamahon ko man
nga ang katugnaw sa talisik
nga mohunob sa kasingkasing ko
mao ang katigmi sa imong aping
sa ulahi tang panagkita.
Mamati ako sa imong panghupaw
ug tugkaron ko ang kahulogan
sa kahilom sa imong tinan-awan
nga gibilin mo kanako
paglarga sa sakyanan---
nag-ulan usab kadto, dili ba?
(Kon mag-ulan, mobalik da ako,
Melquiadito. Intawon handoma...)
Karon umuulan:
ania na usab ako ning estasyonan
nagdala sa payong sa atong gugma---
pipila na ba ka ulan
mibuhagay sa akong mga mata???
-- MELQUIADITO M. ALLEGO, M.D.
Palm Harbor, Florida, USA
Palm Harbor, Florida, USA
No comments:
Post a Comment