pastilan, gyod nimo 'day! wala mo
sud-onga ang rosas nga mibukad
sa akong dughan. wala mo batyaga
ang naghilanat ko nga kagabhion sa sangtuwaryo
sa akong paghuna-huna kanimo.
ngano? nganong' bagyo
ang mikagiw sa imong mga mata
niadtong gitutokan tika, nagsugilon nga ikaw
ang ang akong bangaw?
karon, 'day, ania gitagik
ang imong dagway sa katugnaw
nga mibulhot sa balak. gadanguyngoy
ang mga titik.
-- KEVIN A. LAGUNDA
Mandaue City, Cebu, Philippines
No comments:
Post a Comment