Inanayng gilamoy sa halawom nga kahilom
ang babayeng nakaangkon
sa akong tupad nga window seat,
nga morag nagdahom nga siya rang usa
sa pribadong kahamugaway
sa iyang kwarto, kay lahos sa hawak
ang pagkawalis ang iyang sayal.
Malinawon nang naglawig ang ayroplano
dihang miyanghag siya ug misuhid
sa asul nga kawalaan sa gawas—
ug nakita ko ang iyang mga mata,
nga daw mipilit sa bildo sa porthole,
nga mitutok kanako dungan sa pagbathay
sa usa ka tulukibong pahiyom.
Ah, Mona Lisa.
-- VICENTE VIVENCIO BANDILLO
Dubai, United Arab Emirates
No comments:
Post a Comment