1.15.2015

bisita


ning akong lawak
usa lang ang lingkoranan
ang katre nga uway
igo lang sa akong lawas
gamay lang ang balay
usa lang ang kaldero
mao sab ang sug-ang
duha lang ka bintana
sama pultahan nga 
sarang maghatag nako 
og duha ka kapaingnan
sa pagsulod sa paggawas
namisita lang ako dinhi
ug dili ko magdugay


-- RIC S. BASTASA
Katipunan, Zamboanga del Norte, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.