Naibog kaayo si Belle sa eksotik nga patik gikan sa Buddhist mantra nga Oh Mane Padme Hum. Niya pa, mao ni ang sunod ibutang sa iyang dughan. "The jewel is in the lotus."
Kon maulian na ning nagngulngol pa nga Phoenix, balikon dayon niya si JoTats, ang suki niyang manatohay. "Rise like a phoenix from the ashes!" niya pa sa kaugalingon samtang nanamin. "Peel your own image from the mirror," gilitok niya ang nahinumdumang balak ni Derek Walcott.
Anaa sa bitiis ang labing una niyang patik: adlaw nga misubang. Si Mad Love ang mitira niadto ug wala siya pabayra kay naluoy kini niya kay sa tibuok higayon nga gipatikan siya, nagtulo man iyang luha. Naningkamot siyang pugngan unta ang pagbakho, apan sa dihang nakumpleto na ang ulong miguho sa kanawkanaw, mingaab siya’g kalit. Nahakurat si Mad Love ug nangayo kinig pasaylo kon gisakitan siya.
Sakit?
Sakit, tubag niya, bisan tuod og nasayod siya nga dili mao ang gitumbok ni Mad Love.
-- JANUAR E. YAP
Talisay City, Cebu, Philippines
No comments:
Post a Comment