4.12.2011

daotang binuhatan


Ang basang nuog gihayhay ko sa pantaw;
gihuyop sa maigang huyuhoy,
nauga pagsalop sa adlaw.

Ang mga tinulo sa tubig nahanaw;
sama sa aso ambot kon asa nikagiw,
ni diyotayng umog wala gyoy maaninaw.

Apan nagpabilin ang mga lama sa hugaw
gikan sa nuog, dala sa mga tulo;
nagpasad sa salog, sarang matan-aw.


-- JON R. SAGUBAN

Iligan City, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.