4.25.2013

ang pagsulat og balak


Kon magsulat ako og balak, di ko buot
nga sama sa usa ka singgalong*--nga modakop
sa mga pulong ingon sa mga tukbonon
pinaagi sa pagkamalimbongon.  Di ko buot
nga mangalaw sa kangitngit.  Hinuon,
buot kong adto ako sa usa ka ngitngit nga lawak
uban sa usa ka gamay’ng lamparilya
ug magpaabot nga ang mga pulong modayon--
sama sa mga anunugba nga moliyokliyok
sa iyang gamay’ng kasiga.


* singgalong: fox   

-- URIAS A. ALMAGRO
New Berlin, Wisconsin, USA

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.