2.20.2015

sa uwan, sa adlaw


Maayo pa ang tinanom
nga gumamela ni Buboy 
hangtod karon padayon
gihapong namukhad sa tugkaran
bisan pagahulhogon
sa uwan.

Di sama sa imong gitisok
nga blue hydrangea, nangalarag
ang mga gihay ubos sa landong 
sa akong tamboanan bisan 
bitaw igo rang gihalokan    
sa adlaw. 


-- JONDY M. ARPILLEDA
Tandag City, Surigao del Sur, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.