4.03.2015

kagawasan


Makaunom na gatuyok ang kamot 
sa orasan-- daw dili pod moundang 
ang nadunggan nakong tyabaw.

Bisan motikig pa ang tanang butang,
labi na sa kalad-ang ning kinabuhi,
padayon ang pagdis-og sa kalibotan.

Ug bisan asa pang dapita mapadpad
kining galatagaw nga hunahuna, 
dili gyod kini sama sa usa ka maya

nga gikan gatuhik-tuhik sa dalag 
nga kapayas ning hapona, magpabilin
sa lutaw nga lit-ag sa hangin.


-- ADONIS R. ENRICUSO
Dumingag, Zamboanga del Sur, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.