Naghimbay-himbay kong galakaw subay sa Mancao usa ka adlaw samtang gaduka ang mga bata sa eskuylahan. Miduol nako ang usa ka sip-onon gada’g galon, mihangyo: Pwede ko mangayog tubig, Kuya, aron isabaw sa lugaw.
Wap-a diay mo namahaw? Gipangutana ko ang nagkamuritsing otso anyos (nagpuyo uban sa lima niya ka manghod gatupong ang gitas-on), gibiyaan sa mga ginikanan nga gilamoy kuno sa bakunawa dihang nanimpalad didto sa Manila.
Gikuyogan ko siya sa among balay aron pun-on sa tubig iyang gibitbit nga galon kay nahadlok ko nga iyang luha unya ang mopuno sa lagom nga sudlanan.
Bisan galisod og lakaw bitbit sa isabaw sa ilang pamahaw (ug tingali dala na ilang paniudto) nakita nakong miarko ang iyang ngabil hangtod sa duha niya ka dunggan nga wap-a makadungog sa giyawit ni Rizal (nga duna’y monumento sa Carcar pirmeng suroyanan
Wap-a diay mo namahaw? Gipangutana ko ang nagkamuritsing otso anyos (nagpuyo uban sa lima niya ka manghod gatupong ang gitas-on), gibiyaan sa mga ginikanan nga gilamoy kuno sa bakunawa dihang nanimpalad didto sa Manila.
Gikuyogan ko siya sa among balay aron pun-on sa tubig iyang gibitbit nga galon kay nahadlok ko nga iyang luha unya ang mopuno sa lagom nga sudlanan.
Bisan galisod og lakaw bitbit sa isabaw sa ilang pamahaw (ug tingali dala na ilang paniudto) nakita nakong miarko ang iyang ngabil hangtod sa duha niya ka dunggan nga wap-a makadungog sa giyawit ni Rizal (nga duna’y monumento sa Carcar pirmeng suroyanan
sa manag-uyab nga mosangko sa kangitngit, magmugna’g laing
sip-onon namong silingan).
-- ROMEO NICOLAS BONSOCAN
Carcar, Cebu, Philippines
-- ROMEO NICOLAS BONSOCAN
Carcar, Cebu, Philippines
1 comment:
kanang monumento ni Rizal
nahimong saksi sa mga pangako
sa batan-on pa ako
sa tingpamulak sa nasaag pagmahal
-mananambalak
Post a Comment