3.08.2011

binastos, sinantos


1.


Ayaw panampong. Ibutyag
kon kahibalo ka unsa’y kolor
sa kigol ni Marilyn Monroe
samtang gadiskurso sa hangin
ang iyang sayal nga puti. Kini sama kuno

kalaw-ay sa kolonyal nga bandera, matod pa

sa aktibista nga gipaningot og wara-wara
sa iyang pisot nga pagpadayag;
lupi’g pa’y gakidhat sa buta,
wala paminawa, bisan hapit
giutgan samtang gapaugat.

2.

Ay’g saba... Ug lupig pa’y gilusak sa dugdog
ang dunggan sa gilugos. Kalami
isinggit—Yawa!—
apan nalumos lakip ang iyang bakho
sa laway sa butakal nga ang bungot labaw pa
sa lusay nga naungot sa iyang tutonlan. O, Inahan
sa Kanunayng’ Panabang.

3.

Ay, inahang dila! Ilubong ra ba
ang tanang gahi. Apan, bisan lawom
ang labhag sa gakilat
nga latos sa mga bulay-og , humok
molitok og mga mga biay-biay

basin gahuwat gihapon si inday
sa kagilok sa harana gikan sa libod-suroy
nga gabilar pagkulkog sa kahilom.

Baga’g nawong ang katahom.

4.

Pastilan, kalit nidiwalwal ug nilumoy
ang buhi sa turistang Amerkano
nga nag-Chicken Joy sa usa ka motel
didto sa Lapu-Lapu uban
sa iyang Bisdak nga uyab, sigon pa
sa gisangyaw sa SuperBalita:
“Namatay samtang nag-sex.”

Susmaryosep, tig-ik pa sa tiguwang. Hastang
kurata. Ug ang iyang apo, gwatsinanggo nga gatingsi,
wa’y pugong sa pag-ingon, “Kayata!”



-- MICHAEL U. OBENIETA
Topeka, Kansas, USA

3 comments:

M said...

Mixed feelings.
Tightrope balancing
between vulgarity and saintliness.
hilabtanong hangin mitila
sa paa ni marilyn monroe?
the cunning comedic poet
managed to maintain the precarious
balancing act.
well-done.
vintage MykeO poem.

-mananambalak

rsb said...

pagkakayatic jud
the usual Myke
with the BIG o....

asenso miko...

Litoux Camus said...

saludo, nyor myke!

ang tanang mag-antos, masantos. lakip na ang nagkapuliki sa kalami.


Daghang salamat sa mga maniniyot nga gapaambit sa ilang mga hulagway sa Google ug Flickr.