8.20.2009

pangaliya
















Bathala sa binadlis nga pagsugid,
Ipakita nako ang lawis sa akong pagsugod.
Pahunonga ko inig patuyang nako og yamyam.
Mandoi ang akong tingog; dahunog ra kaayo ko
Ug alingisig ang akong mga hunghong.
Lawgi ko’g mga pulong sa taas, laay nga kahaponon.
Tugoti ko nga mabulahan sa wala damhang pagtultol—
Pagkaplag sa mga nahanaw nga kapupud-an sa dila.
Hatagi ko og gasa sa kahilom,
Ug dayon ipaanod ko.


(hubad sa balak ni Jerry Pinto)

-- MICHAEL U. OBENIETA
Topeka, Kansas, USA

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.