Dinhi
Sa atong abotanan
Nibalik ko
Sa atong tugas
Nga lingkoranan
Nga gitagiptipan
Sa imong mga buladas
Kanhi.
Pasagdi
Nga hulaton ko
Ang mga laylay
Sa imong balak
Dinhi ning landong.
Buot ko untang
Magpaanod pag-usab,
Magpailad
Sa mga gitik-gitik
Sa imong mga tinagsip.
Dinhi ko
Suwayan pagtultol
Ang hinuyop
Sa imong mga garay—
Dakpon, hangpon
Ug huptan ugma
Kon magdag-om na
Ang panumdoman.
-- GINA MANTUA-PANES
Cebu City, Philippines
9 comments:
gina,
very poignant.
makapakuan sa dili pa unta.
any lover should read this.
mobalik ang hinagawhaw sa kagahapon
sa tagboanan.
napukaw ang nahitagpilaw nga samad
ning kasingkasing gumikan sa tuis
sa kapalaran: Di ta palad nga magkadayon...
-mananambalak
sus, kong true love na gani,
di bale na
kon gipuyok lang,
bahala na,
basta lami.
mananambalak,
hahahaha.
salamat sa imong pagkakuan tungod sa balak. hahahaha. thanks for taking time
gina,
gipangutana ko si kevin lagunda bahin
kanimo niadtong enero 30 atol sa bathalad award ceremony & annual convention & workshop. unta moapil ka
sa bathalad. ako ug si companero ury
almagro na-impressed ug nabihag kanimo uban nilang jona bering ug neile genica mijares. sa among panahon sa 1960's, si annie mata de pio ray babayeng magbabalak.
-mananambalak
nyor mel,
nakatambong ko sa bathalad niadto pang 2006 sa may mj cuenco ba to.ampay gihapon na nako.wa lang ko'y update kanunay kung asa ug kanus-a. I would appreciate it if you send me word every time a gathering comes.Mao niy akong kinaham bisag bisi sa trabaho.
Mao ni akong email ad mantua_03@yahoo.ca
salamat sa panahon ug pang-agni.
Gina
Gina,
Ig-unsa man nimo si Dr. Fe Mantua Ruiz?
Pahibaw-on tika sa mga aktibidades
sa Bathalad.
-mananambalak
Ingnon talang nga distant relative mi. We already agreed that we really are. hahaha Bitaw, wa lang gyud magkakita among pamilya kay my family left Leyte even before I was born. We spoke about it only once long time ago.
Salamat sa imbitasyon. Hulaton lang nako kung kanus-a.
Gina,
Salamat.Minghalin na ngadto sa
pikas lawak sa laing kalibotan si Fe.
Trato siya sa akong amigo, Dr. Art
Pamaong sa medical students pa sila.
Wa magkadayon kay di nila palad. Nagbudhi ang kapalaran. Kayha, ang ilang tagboanan maoy inyong abotanan
(imong uyab unya mister).
akong e-mail adres: drmallego@aol.com
-nyorMelgibson
nyor mel,
pagka-gamay sa kalibutan.wa ko magdahum nga suod diay kamo kaniadto. hasta love life murag updated pud ka. salamat nyor. you never know how bits of memories of her makes me feel nostalgic pud gamay bisag di mi suod.
bitaw dugay nang nipahulay si mam fe.
salamat,
gina
Post a Comment