10.11.2010

pendulo
















"I want them to show me where the way out
Exists for this captain shackled by death.”
--Federico Garcia Lorca

Sugo sa nagyunyong panganod sa kasadpan,
giduyan sa salumsomong hangin ang sanga sa kahoy
(kansang mga dahon, laya nag talipal-ak), nga karon
moiway, unya molili--pinaagi sa abling bentana--
sa taknaan nga gisab-it sa nauphag nga bungbong
nga halos naulahi na sa dihadiha nga pinitik sa
tukmang oras.

Sa lawak, ubos nga bahin sa taknaan,
naghayang si Lolo Islaw sa katre, way kawili ni
kahingawa nga milama sa iyang lawas nga karon may
pagkakunot, biliklon nag kahimtang gumikan sa
pagdagmal sa panahon. Apan imbes magmasulub-on,
mora hinuog nasanapag kasanag ang pamayhon.

Sa gawas nagsugod nag panalithi ang langit.
Duna say pungpong sa dahon nga nataltag.

Tik! Tik! Tak! Tikkk


-- RAUL M. FIGUES
Oslob, Cebu, Philippines

1 comment:

rsb said...

mas maayo kahaon na lang ang
tik, tak,tikk

morag kiwa na man, raul.


Daghang salamat sa mga maniniyot nga gapaambit sa ilang mga hulagway sa Google ug Flickr.