11.08.2011

kilumkilom

Mibatog na ang himungaan
sa sanga sa kahoy nga gasayaw-sayaw
duyog sa hinanapos nga tuktugaok
sa talisayon.

Ang nalukot nga aso gikan
sa gidauban nga mga dahong laya
hinay-hinay nga nahanaw paingon
sa poste sa kuryente diin nanukad
ang panon sa mga langgam
nga misugat karon sa ulahi
nga kahayag sa adlaw.


-- GRATIAN PAUL R. TIDOR
Dipolog City, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.