11.18.2011

mga baka sa dagat: mga manatee sa homosassa


nanibsib sa mga latagaw nga lumot ang kamay-ong
sa mga kataw nga gitugway sa kinoralang lagunahunasan
sa mga gaang sa hardin nga namungingi sa mga tagimtim

sila nagtakobang mga malumong higante sa piliw
sa mga budyong kon igang ang gabii anaa sila
magtampisaw sa mga lim-aw sa bukanang tagboanan
sa naglambigit nga dagat ug suba

patalinghogi ang nagtinikbong nilang pagtimbaya
pamatia ang ilang pag-ingaaaa una ihikot sa pisi
sa toril sa usyosong dumuduong


-- MELQUIADITO M. ALLEGO
Palm Harbor, Florida, USA

1 comment:

M said...

sa Putat
may mga kabaw
sa paghanduraw
sa dagat


-mananambalak


Daghang salamat sa mga maniniyot nga gapaambit sa ilang mga hulagway sa Google ug Flickr.