11.20.2011

kang inday nga biniyaan

Tugoti siya nga motukod
Ug taytayan pabalik sa
Gakang-a mong dughan.

Pasagding pandayon niya
Pag-usab ang lawak
Nga gianay--kaniadto
Inyong gidayan-dayanan
Sa mga giuran-uran nga
Ginunitay ug kinuhitay.

Pasagdi kon kini
Tinapakan na lang.

Moabot ra ang panahon
Ang mga tinapakan kaniadto
Mopapas sa mga karaan
Ug gasiwil nga mga pangagho.



-- GINA MANTUA-PANES
Cebu City, Philippines

2 comments:

M said...

gasiwil nga mga pangagho
nalupyak nga mga pangabubho

mobalik ra siya inday
sa tiilan mo magminatay

lud-i ayaw paghilak
tamparosag bahakhak

-mananambalak

ginamantua-panes said...

hehehe, salamat nyor. akong tambagan si inday


Daghang salamat sa mga maniniyot nga gapaambit sa ilang mga hulagway sa Google ug Flickr.