Abi baya nako'g unsa--
Nunot sa pagkiaykiay
sa iyang pahiyom (mora'g tingsi
sa kandidato), pila na ba kaha
ka bra ug panty
ang mihiyodhiyod ini
uban sa pagtrisera og kuwarta
sa Dayang-dayang, Otso-otso
o di ba kaha ning bag-ong
Gangnam-style ug Harlem Shake;
gikan nikundat ang pahumot
sa dalagang gianuhosan
sa sulo nga langkay,
mga tampu’ng sa banika,
nagsinug-ang primos sa
tunga sa tenisan nga gikuralan
og sulirap uban sa bakakong
juicy fruit, magsusapinday
nga ‘hata-hata’ ug Sparkle--
Ug diha-diha natuhog ko ra.
-- DONZKIE B. ATON
Bagtik, San Remigio, Cebu, Philippines
No comments:
Post a Comment