10.05.2014

luha sa gugma, gula sa labirinto


Asa naman ka 
karon? Nangita ko sa imong tingog 
bisan sa ilalom sa akong habol 
nga nanimaho pa sa imong singot. 
Gimingaw ko sa lasa 
sa imong laway, alimyon 
sa imong ginhawaan, ug pako
sa patay nga salampati diha
sa imong mga ngabil. Naa ba kaha
diha sa nagpasad nga mga condom 
ang salin sa imong bulbol? 
Sa kahayag sa poste, nahumod
ang kagabhion nga napilo sa panid
sa mantalaan, naghulma og
lutaw nga lungon.


-- SIMON ANTON NINO DIEGO BAENA
Bais City, Negros Oriental, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.