hagbay rang midunggo ning panumdoman
panghigayong nahilambigit sa tiaw o komedya sa kapalaran
usa ka gabiing pamasinbasing pautaw-utaw sa mga inagwahang kanal dinan-agan
sa daklit ug lumalabayng dagitabnong mga bitoon
nanuhiltuhil namukad og gilok gasanting sa kinapusoran sa matilapong tubig
samtang gigabling sa nag-alimpuyo nag-alintabo nag-utngang pagbati
hangtod ang matag nagtikubong hayon sa bugsay nahimong nagsuylang
metapor sa libokalibong tentasyon
ikaw ug ako usa lang ka nawong sa hut-ong sa mga dinapit sa restorante dolce vita
kita mga langyaw sa matag usa
mga destiyerong naanod sa lilo sa sulagmang panagkita
mga dumuduong sa kinasang-an sa bilahan sa salingkapawng panamilit
hagbay rang milawig ning panumdoman
-- MELQUIADITO M. ALLEGO
Palm Harbor, Florida, USA
panghigayong nahilambigit sa tiaw o komedya sa kapalaran
usa ka gabiing pamasinbasing pautaw-utaw sa mga inagwahang kanal dinan-agan
sa daklit ug lumalabayng dagitabnong mga bitoon
nanuhiltuhil namukad og gilok gasanting sa kinapusoran sa matilapong tubig
samtang gigabling sa nag-alimpuyo nag-alintabo nag-utngang pagbati
hangtod ang matag nagtikubong hayon sa bugsay nahimong nagsuylang
metapor sa libokalibong tentasyon
ikaw ug ako usa lang ka nawong sa hut-ong sa mga dinapit sa restorante dolce vita
kita mga langyaw sa matag usa
mga destiyerong naanod sa lilo sa sulagmang panagkita
mga dumuduong sa kinasang-an sa bilahan sa salingkapawng panamilit
hagbay rang milawig ning panumdoman
-- MELQUIADITO M. ALLEGO
Palm Harbor, Florida, USA
2 comments:
wayoka ining mga linyaha, Nyor Mel:
kita mga langyaw sa matag usa
mga destiyerong naanod sa lilo sa sulagmang panagkita
mga dumuduong sa kinasang-an sa bilahan sa salingkapawng panamilit
tagay alang sa sugbuanong katitikan!
- Kevin L.
kevin,
salamat sa imong komento.
nahinanawan mo ang tip of
the iceberg lang.
balika ang matag tunob sa balak
-mananambalak
Post a Comment