1.01.2010

lumalabay
















Gamay’ng langgam pasayloa
nga adto ko na tiwasa pagpamati ang imong awit
didto sa laing kalibotan
-- haiku nga ang tagsulat wa hiilhi

Kay kita’ng tanan lumalabay.
Ug kita’ng tanan nanagdali.
Ikaw nga nagbatog sa gamay mo’ng sanga
Ug ako’ng mihunong dinhi ning yuta
Sa usa ka pamilok ug usa ka pagbuka
Way kasayoran kon kinsa kanato’ng duha
Ang mahanaw, kinsa ang mahibilin.
Mao’ng ning daklit ta’ng pagpanagtagbo,
Ning taphaw ta’ng panaghimamat
Gunitan ta kining tago’ng lanot
Sa ato’ng mga tingog.
Kuptan ta hangtod sa ilang pagkabugto.


-- URIAS A. ALMAGRO
New Berlin, Wisconsin, USA

1 comment:

emmabastasa said...

Gunitan ta kining tago’ng lanot
Sa ato’ng mga tingog.
Kuptan ta hangtod sa ilang pagkabugto.

====================

pagkaanindot pamation.
sakit palandongon.


Daghang salamat sa mga maniniyot nga gapaambit sa ilang mga hulagway sa Google ug Flickr.