Luwak sa bintana sa lawak, walay timik ang adlaw gawas sa kisaw sa maple sa atbang kansang mga dahon gihagwa sa kinanaas sa squirrel. Ang tun-og nga anino sa hamog sa kaadlawon nihangop sa kaunoran sa dihang giablihan ko pagtuyo ang tamboanan. Lunhaw sab ang balilihan naghulat sa tinghulaw. Ah, adunay saag nga deer naglungaylungay sa iyang sungay ninglabay. Ug ang panganod, hahay, sama sa simod nagkusmod sa iyang pag-aginod. Sa kalit daw kilat ang pagkisdom sa akong nataran, natimbakuwas akong panan-aw sa usa ka dakong banog nga daw mohakop sa adlaw. Pastilan, sama ba kaha niini ang talan-awon sa umaabot nga pagpangatagak sa mga dahon?
Ulod nagkamang.
Sa pagsakdap sa langgam,
langit nalisang!
-- NOEL D. RAMA
Accokeek, Maryland, USA
No comments:
Post a Comment