5.19.2010

metamorposis
















ang mga diyosang kandila nga gipang-ugbok
sa balisbisan sa pantiyon nga kagabhion
tagsa-tagsang nangapalong...

ang kaganinang naghagok ug nagbuy-od
nga blunda sa kadulom nahimong palispis
sa ugis nga kahayag nga nanghuyatid sa suwambi...

ang maninintal nga kidhat sa mga bitoon
dili na makawhat sa madibuhoong mga mata
kay ang kaambong gipamala na sa pisara sa langit...

sa balkonahe nangatagak ang mga pako
sa mga siawan ug latagawang bulalakaw
ug gipamunit ang mga tipaka sa ilang kasugiran...

sa asoteya nangiswid ug nanghuy-ab
ang mga parayegong gihay sa mga senyoritang bulak
nga nangaligo sa yamog sa nangalimyong kadingding...

tala na bathalan-ong kalagpares manglimugmog
himamaton tang luming saloma sa adonis diwa
nga nanighawak sa taluktok sa gabonong mga bungtod...

mapahiyomong nagsidlak og mga sedang bulawan
ning matahom hardin sa samuyawng kinaiyahan
ning mahumot paraiso sa nanglunong bulakbalak kausaban...


-- MELQUIADITO M. ALLEGO
Palm Harbor, Florida, USA

1 comment:

M said...

pasumbingay ngadto kanilang ricardo
baladjay, junne canizares, richel dorotan, urias almagro, ernesto lariosa, michael obenieta, vicente
bandillo ug sa BEBODOFILAMIMUVE Poetry Ensemble otherwise known as Tarantella Hip-Hops.


Daghang salamat sa mga maniniyot nga gapaambit sa ilang mga hulagway sa Google ug Flickr.