2.02.2011

ang puya sa garapon
















Sulod sa 23 ka tuig,
gahuwat ka sa imong uha
diri sa Biology Lab.
Ug sa pipila ka higayon
Nga ikaw akong gitutokan
ang tiyan sa imong inahan
mosubli sa akong dughan.

Sa matag himamat
sa akong palad sa panit
ning garapon, motak-om
ang gutling. Di lang diay
ang imong lawas
ang gihabolan sa formalin.
Apil sab ang una nimong
kasakit, gapabilin.



-- CINDY VELASQUEZ
Cebu City, Philippines

1 comment:

Litoux Camus said...

ganahan ko ani balaka kay naguol ko. di na gyod ko mokaog balut. nice one bay!


Daghang salamat sa mga maniniyot nga gapaambit sa ilang mga hulagway sa Google ug Flickr.