10.03.2012

kang lola, sa pagtungtong niya'g 92


Lugos na siya kabarog,
gasangkiig nga galukdo
sa katuigan. Natanggong
uban sa mga nilabay na 
ang iyang panumdoman samtang
nagkanipis ang umaabot sama
sa nangalagas niyang buhok.

Apan bisan pa man og usahay
malimot siya 
sa akong ngalan,

wa nako siya
hikalimti ug wa ko
malimot bisan tuod
og talagsa ra ko
makaduaw diha
sa iyang lawak.

Di ko malimot
bisan pa man og mapapas dayon
kining akong gisuwat sa di pa siya
mahuman og basa.


-- GRATIAN PAUL R. TIDOR
Dipolog City, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.