9.16.2013

tinagoang lawak


tagsa-tagsa kanato
adunay tinagoang lawak
diin gihipos 
ang pultahan diin 
ang mga bungbong
mao ang gihayhayan
sa atong mga gihandom 
sa kasingkasing nga usahay 
gikaulaw sa uban 
bahin kanato

bisan ako dili ganahan
nga mosulod didto apan 
unsaon man 
nga gikinahanglan gayod
kay kon dili ko kini
sudlan panalagsa
aduna may mamatay 
sulod kanako


-- RIC S. BASTASA
Katipunan, Zamboanga del Norte, Philippines

1 comment:

jesussandy said...

unsa kahay anaa nianang lawak? Ug unsa pod ang mamatay kon kintahay di sya mosulod didto pupanagsa? Ric, pasudla nya ko anang lawak dinha ha? hehehe


Daghang salamat sa mga maniniyot nga gapaambit sa ilang mga hulagway sa Google ug Flickr.